בְּרֵאשִׁית, מַמְלְכוּת יְהוֹיָקִים בֶּן-יֹאשִׁיָּהוּ–מֶלֶךְ יְהוּדָה:
כֹּה אָמַר יְהוָה: עֲמֹד בַּחֲצַר בֵּית-יְהוָה,
וְדִבַּרְתָּ עַל-כָּל-עָרֵי יְהוּדָה הַבָּאִים לְהִשְׁתַּחֲוֹת בֵּית-יְהוָה,
אֵת כָּל-הַדְּבָרִים אֲשֶׁר צִוִּיתִיךָ לְדַבֵּר אֲלֵיהֶם:
וְאָמַרְתָּ אֲלֵיהֶם:
אִם-לֹא תִשְׁמְעוּ, אֵלַי, לִשְׁמֹעַ, עַל-דִּבְרֵי עֲבָדַי הַנְּבִאִים,
אֲשֶׁר אָנֹכִי, שֹׁלֵחַ אֲלֵיכֶם; וְהַשְׁכֵּם וְשָׁלֹחַ, וְלֹא שְׁמַעְתֶּם
וְנָתַתִּי אֶת-הַבַּיִת הַזֶּה, כְּשִׁלֹה; וְאֶת-הָעִיר הַזֹּאת אֶתֵּן לִקְלָלָה
וַיִּשְׁמְעוּ הַכֹּהֲנִים וְהַנְּבִאִים, וְכָל-הָעָם,
אֶת-יִרְמְיָהוּ, מְדַבֵּר אֶת-הַדְּבָרִים הָאֵלֶּה בְּבֵית יְהוָה.
וַיְהִי כְּכַלּוֹת יִרְמְיָהוּ, לְדַבֵּר
וַיִּתְפְּשׂוּ אֹתוֹ הַכֹּהֲנִים וְהַנְּבִיאִים, וְכָל-הָעָם לֵאמֹר
–מוֹת תָּמוּת
מַדּוּעַ נִבֵּיתָ בְשֵׁם-יְהוָה לֵאמֹר,
ְהָעִיר הַזֹּאת תֶּחֱרַב, מֵאֵין יוֹשֵׁב;
וַיִּקָּהֵל כָּל-הָעָם אֶל-יִרְמְיָהוּ, בְּבֵית יְהוָה.
וַיֹּאמְרוּ הַכֹּהֲנִים וְהַנְּבִאִים,
אֶל-הַשָּׂרִים, וְאֶל-כָּל-הָעָם, לֵאמֹר:
מִשְׁפַּט-מָוֶת, לָאִישׁ הַזֶּה,
כִּי נִבָּא אֶל-הָעִיר הַזֹּאת, כַּאֲשֶׁר שְׁמַעְתֶּם בְּאָזְנֵיכֶם.
וַיֹּאמֶר יִרְמְיָהוּ אֶל-כָּל-הַשָּׂרִים, וְאֶל-כָּל-הָעָם לֵאמֹר:
יְהוָה שְׁלָחַנִי, לְהִנָּבֵא אֶל-הַבַּיִת הַזֶּה וְאֶל-הָעִיר הַזֹּאת,
אֵת כָּל-הַדְּבָרִים, אֲשֶׁר שְׁמַעְתֶּם.
וַאֲנִי, הִנְנִי בְיֶדְכֶם:
עֲשׂוּ-לִי כַּטּוֹב וְכַיָּשָׁר, בְּעֵינֵיכֶם
אַךְ יָדֹעַ תֵּדְעוּ, כִּי אִם-מְמִתִים אַתֶּם אֹתִי-
-כִּי-דָם נָקִי אַתֶּם נֹתְנִים עֲלֵיכֶם,
וְאֶל-הָעִיר הַזֹּאת וְאֶל-יֹשְׁבֶיהָ:
כִּי בֶאֱמֶת, שְׁלָחַנִי יְהוָה עֲלֵיכֶם,
לְדַבֵּר בְּאָזְנֵיכֶם, אֵת כָּל-הַדְּבָרִים הָאֵלֶּה. [מתוך ירמיהו כו']
אם אתם מעוניינים לגלות מה קרה לירמיהו ראו לינק לפרק כולו
