טו נָבִיא מִקִּרְבְּךָ מֵאַחֶיךָ כָּמֹנִי, יָקִים לְךָ יְהוָה אֱלֹהֶיךָ:
אֵלָיו, תִּשְׁמָעוּן.
טז כְּכֹל אֲשֶׁר-שָׁאַלְתָּ מֵעִם יְהוָה אֱלֹהֶיךָ, בְּחֹרֵב,
בְּיוֹם הַקָּהָל (במעמד הר סיני) – , לֵאמֹר:
לֹא אֹסֵף, לִשְׁמֹעַ אֶת-קוֹל יְהוָה אֱלֹהָי,
וְאֶת-הָאֵשׁ הַגְּדֹלָה הַזֹּאת
לֹא-אֶרְאֶה עוֹד, וְלֹא אָמוּת
וַיֹּאמֶר יְהוָה, אֵלָי: הֵיטִיבוּ, אֲשֶׁר דִּבֵּרוּ.
נָבִיא אָקִים לָהֶם מִקֶּרֶב אֲחֵיהֶם, כָּמוֹךָ;
וְנָתַתִּי דְבָרַי, בְּפִיו, וְדִבֶּר אֲלֵיהֶם,
אֵת כָּל-אֲשֶׁר אֲצַוֶּנּוּ

אַךְ הַנָּבִיא אֲשֶׁר יָזִיד לְדַבֵּר דָּבָר בִּשְׁמִי,
אֵת אֲשֶׁר לֹא-צִוִּיתִיו לְדַבֵּר,
וַאֲשֶׁר יְדַבֵּר, בְּשֵׁם אֱלֹהִים אֲחֵרִים-
-וּמֵת, הַנָּבִיא הַהוּא.

כא וְכִי תֹאמַר, בִּלְבָבֶךָ:
אֵיכָה נֵדַע אֶת-הַדָּבָר, אֲשֶׁר לֹא-דִבְּרוֹ יְהוָה.
כב אֲשֶׁר יְדַבֵּר הַנָּבִיא בְּשֵׁם יְהוָה,
וְלֹא-יִהְיֶה הַדָּבָר וְלֹא יָבֹא-
-הוּא הַדָּבָר, אֲשֶׁר לֹא-דִבְּרוֹ יְהוָה:
בְּזָדוֹן דִּבְּרוֹ הַנָּבִיא,
לֹא תָגוּר מִמֶּנּוּ.

דברים יח